الثلاثاء يوليو 31, 2018 4:24 pm من طرف شركه الجوهري
السلام عليكم ورحمة الله وبركاته
الرحلة كانت على شاركى يوم 10-12 (تالت يوم العيد كل سنة وانتو طيبين)
اعضاء الرحلة
استاذ الاساتذة مدحت بك وصديقه الاستاذ خالد
الاستاذ خالد عدنان وصديقه الاستاذ احمد
العبد لله
مبدئيا المجموعة دى ما شاء الله عليهم اولا يعتمد عيهم فى كل حاجة مافيش حد فيهم قال هاعمل حاجة وماعملهاش الاستاذ مدحت تولى مسئولية الطعم ( الكاليمارى ) وجذء كبير من الاكل والاستاذ خالد عدنان تولى مسئولية الماكريل والمصارين (شرا وتمليح وماشاء الله عليه ملحهم بشكل ممتاز جدا الماكريل كان بيقعد على السن كتير على غير ما اتعودنا ).
التحرك كان يوم الثلاثاء بالليل الساعة 12 تقريبا ووصلنا راس غارب على الساعة 4:30 ( كنا ماشيين بنتدلع) الاستاذ مدحت اتحرك الساعة 2 بالليل ووصل 4:45 تقريبا واتحركنا للمرسى وجه الريس (اخو محمد صلاح - اسمه هيثم وبيقولولو بركة - بفتح الباء ) وتم نقل الحاجة للمركب وتوكلنا على الله
طبعا اتعلمنا من المرة الى فاتت ان الدرامانيكس والبريم بران لازم يتاخد قبل المركب بساعة على الاقل فكل واحد مننا ضرب له قرصين قبل مانطلع المركب بساعة وده الى ظبطنا باقى اليوم.
الهوا كان خفيف والموج مش عالى قوى ومع ذلك كان الريس بركة والبحرية شايفين ان كدة الهوا عالى مش فاهم ليه ( تقريبا هما عاوزين البحر حوال خالص مافيهوش نسمة هوا)
المهم دخلنا على اول طرحة ورمينا خمس دقايق نقر خفيف وشوية درينى وانا ولا الهوا ممنعة معايا خالص بس عادى بتحصل (واخد على كدة
)
شوية والنقر وقف غير يابركة راح مغير على طرحة تانية شوية بونجز على درينى برضه وقراضة ولا اتنين غير يابركة وادخل بينا على المجرى الملاحى --- لا ماقدرش البحر على والهوا مش عارف ايه --- ياعم احنا مش تعبانين خش وخليها على الله ومكالمه سريعة لمحمد صلاح اقنعه ودخلنا على بركة الله - وخد عندك يامعلم بونجز من الى على كيفك ودرينى بالتلاتة والاربعة فى شدة وكوشر بالصلاة على النبى وواحدة زربون محترمة وكام خرمانة من على القاع !!!!!! والوقت خلص وادرك شهرزاد المساء واخر نور قرب واحنا عاوزين نبات قاللك اصل فيه قلق اليومين دول وامبارح قبضوا على الظابط والعساكر بتوع نقطة الحرس وهايعملولهم محاكمة عسكرية علشان مش عارف نزلو مركب بدون تصريح او حاجة كدة وكلمت النقيب الى هناك يهديك يرضيك وبتاع يافندم انت مايرضيكش اتإذى بسبب بياتكم خلاص ياباشا مش هنبات وخدنا بعضنا وطلعنا عاوزين ناكل هم هم هم جهز ياجدع السلطة واقلى يا عم الحاج واعمل ياجدع الرز (هو الاكل اتكلفت شوية المرة دى بس الحمد لله كان كويس برضه ( اى نعم مش قوى زى بتاع المرة الى فاتت بس كان معقول ) وكمان قعدت على ايد الراجل وهو بيعمل الرز والسمك واكتشفتلكوا ليه السمك على المركب بيبقى احلى من الى بنعمله فى البيت ---- > بص يا سيدى مبدئيا السمك الى الراجل بيعمله مابيتبلوش قبل القلى يادوب بينضفه ويحطه فى الدقيق ويقليه ويكون مجهز جنبه طبق فيه الاتى :-
1- ملح
2- فلفل اسود
3- كمون
4- بابريكا ( او شطة حسب ما تحب)
5- عصير ليمون
6- نص معلقة خل
7- تلات تومات كبار متقطعين
8- (ودى اختيارية ممكن قوطاية تتضرب فى الخلاط ويتحط عليها الى فات ده كله وتاخد غلوة على النار)
وبعد ما يقلى السمك (طبعا بيكون اكتر من طاسة) بياخد معلقة من التتبيلة ويرشها على كل سمكة وبعد ما يخلص قلى السمك كله يدلق باقى التتبيلة على السمك (طبعا الشرط ان السمك يكون سخن ولسة طالع من على النار) بالمناسبة حطيت نفس الخلطة دى على فخدة ضانى مشوية وكل الى داقها كان هايتجنن ويعرف معمولة ازاى بس انا ماقلتلهمش.......
وبالنسبة للرز هو بيحط بصلة كاملة كبيرة على كيلو الرز وبعدين بيحط الرز ناشف مش مبلول (يعنى مابيغسلوش علشان ينزل منه النشا زى احنا مابنعمل - وممكن لو كنت عاوز تغسل الرز اغسله بس سيبه فى المصفة لغاية ماينشف خالص - وبعد ما تحمر البصل حط الرز وقلبه لغاية ماياخد اللون الى انت عاوزه وبعدين زود المية وماتخليهاش كتير (ودى اهم خطوة علشان مايعجنش ) وبعدين حط معلقة كمون عليه ولما يشرب المية ويستوى تقطع قوطاية كبير حتت صغيرة وفلفل اخضر برضه حتت صغيرة وتحطه على الرز وتقلب ودوق وادعيلى يا باشا طولت عليكم فى ربات البوت الى انا عملته فى الاخر ده اسيبكو بقى مع الصور طبعا اول صورة دى القفص بتاع البحرية (وبالمناسبة هما ماصطادوش غير نص ساعة بس) والباقى نصيبى من الرحلة بس لما رجعت البيت وباقى اعضاء الرحلة هايحطوا صورهم ان شاء الله.
والى اللقاء فى رحلات قريبة ان شاء الله.
الرحلة كانت على شاركى يوم 10-12 (تالت يوم العيد كل سنة وانتو طيبين)
اعضاء الرحلة
استاذ الاساتذة مدحت بك وصديقه الاستاذ خالد
الاستاذ خالد عدنان وصديقه الاستاذ احمد
العبد لله
مبدئيا المجموعة دى ما شاء الله عليهم اولا يعتمد عيهم فى كل حاجة مافيش حد فيهم قال هاعمل حاجة وماعملهاش الاستاذ مدحت تولى مسئولية الطعم ( الكاليمارى ) وجذء كبير من الاكل والاستاذ خالد عدنان تولى مسئولية الماكريل والمصارين (شرا وتمليح وماشاء الله عليه ملحهم بشكل ممتاز جدا الماكريل كان بيقعد على السن كتير على غير ما اتعودنا ).
التحرك كان يوم الثلاثاء بالليل الساعة 12 تقريبا ووصلنا راس غارب على الساعة 4:30 ( كنا ماشيين بنتدلع) الاستاذ مدحت اتحرك الساعة 2 بالليل ووصل 4:45 تقريبا واتحركنا للمرسى وجه الريس (اخو محمد صلاح - اسمه هيثم وبيقولولو بركة - بفتح الباء ) وتم نقل الحاجة للمركب وتوكلنا على الله
طبعا اتعلمنا من المرة الى فاتت ان الدرامانيكس والبريم بران لازم يتاخد قبل المركب بساعة على الاقل فكل واحد مننا ضرب له قرصين قبل مانطلع المركب بساعة وده الى ظبطنا باقى اليوم.
الهوا كان خفيف والموج مش عالى قوى ومع ذلك كان الريس بركة والبحرية شايفين ان كدة الهوا عالى مش فاهم ليه ( تقريبا هما عاوزين البحر حوال خالص مافيهوش نسمة هوا)
المهم دخلنا على اول طرحة ورمينا خمس دقايق نقر خفيف وشوية درينى وانا ولا الهوا ممنعة معايا خالص بس عادى بتحصل (واخد على كدة
)شوية والنقر وقف غير يابركة راح مغير على طرحة تانية شوية بونجز على درينى برضه وقراضة ولا اتنين غير يابركة وادخل بينا على المجرى الملاحى --- لا ماقدرش البحر على والهوا مش عارف ايه --- ياعم احنا مش تعبانين خش وخليها على الله ومكالمه سريعة لمحمد صلاح اقنعه ودخلنا على بركة الله - وخد عندك يامعلم بونجز من الى على كيفك ودرينى بالتلاتة والاربعة فى شدة وكوشر بالصلاة على النبى وواحدة زربون محترمة وكام خرمانة من على القاع !!!!!! والوقت خلص وادرك شهرزاد المساء واخر نور قرب واحنا عاوزين نبات قاللك اصل فيه قلق اليومين دول وامبارح قبضوا على الظابط والعساكر بتوع نقطة الحرس وهايعملولهم محاكمة عسكرية علشان مش عارف نزلو مركب بدون تصريح او حاجة كدة وكلمت النقيب الى هناك يهديك يرضيك وبتاع يافندم انت مايرضيكش اتإذى بسبب بياتكم خلاص ياباشا مش هنبات وخدنا بعضنا وطلعنا عاوزين ناكل هم هم هم جهز ياجدع السلطة واقلى يا عم الحاج واعمل ياجدع الرز (هو الاكل اتكلفت شوية المرة دى بس الحمد لله كان كويس برضه ( اى نعم مش قوى زى بتاع المرة الى فاتت بس كان معقول ) وكمان قعدت على ايد الراجل وهو بيعمل الرز والسمك واكتشفتلكوا ليه السمك على المركب بيبقى احلى من الى بنعمله فى البيت ---- > بص يا سيدى مبدئيا السمك الى الراجل بيعمله مابيتبلوش قبل القلى يادوب بينضفه ويحطه فى الدقيق ويقليه ويكون مجهز جنبه طبق فيه الاتى :-
1- ملح
2- فلفل اسود
3- كمون
4- بابريكا ( او شطة حسب ما تحب)
5- عصير ليمون
6- نص معلقة خل
7- تلات تومات كبار متقطعين
8- (ودى اختيارية ممكن قوطاية تتضرب فى الخلاط ويتحط عليها الى فات ده كله وتاخد غلوة على النار)
وبعد ما يقلى السمك (طبعا بيكون اكتر من طاسة) بياخد معلقة من التتبيلة ويرشها على كل سمكة وبعد ما يخلص قلى السمك كله يدلق باقى التتبيلة على السمك (طبعا الشرط ان السمك يكون سخن ولسة طالع من على النار) بالمناسبة حطيت نفس الخلطة دى على فخدة ضانى مشوية وكل الى داقها كان هايتجنن ويعرف معمولة ازاى بس انا ماقلتلهمش.......
وبالنسبة للرز هو بيحط بصلة كاملة كبيرة على كيلو الرز وبعدين بيحط الرز ناشف مش مبلول (يعنى مابيغسلوش علشان ينزل منه النشا زى احنا مابنعمل - وممكن لو كنت عاوز تغسل الرز اغسله بس سيبه فى المصفة لغاية ماينشف خالص - وبعد ما تحمر البصل حط الرز وقلبه لغاية ماياخد اللون الى انت عاوزه وبعدين زود المية وماتخليهاش كتير (ودى اهم خطوة علشان مايعجنش ) وبعدين حط معلقة كمون عليه ولما يشرب المية ويستوى تقطع قوطاية كبير حتت صغيرة وفلفل اخضر برضه حتت صغيرة وتحطه على الرز وتقلب ودوق وادعيلى يا باشا طولت عليكم فى ربات البوت الى انا عملته فى الاخر ده اسيبكو بقى مع الصور طبعا اول صورة دى القفص بتاع البحرية (وبالمناسبة هما ماصطادوش غير نص ساعة بس) والباقى نصيبى من الرحلة بس لما رجعت البيت وباقى اعضاء الرحلة هايحطوا صورهم ان شاء الله.
والى اللقاء فى رحلات قريبة ان شاء الله.
