الثلاثاء يوليو 31, 2018 4:24 pm من طرف شركه الجوهري
السلام عليكم ورحمة الله وبركاته
فيه ناس كتير معجبة بطريقة الصيد بالسالية سواء علشان تجيب بيها طعم حى او حتى بتنفع لصيد الجمبرى والسمك الكبير كمان وللاسف مابتتباعش فى مصر خالص والى موجود فى مصر حاجة اسمها الطراحة وهى نوع من الشبك او الغزل شبيه بالسالية الى حد كبير ولكن طريقته تختلف تماما عن السالية وغالبا بيوعر فى الصخور وفى الحوش الجميل الى مالى الدنيا عندنا.
والسالية مشهورة جدا فى الخليج العربى وخاصة الكويت والامارات وعمان فلو حد يعرف حد بيسافر هناك ممكن يجيبهالو وهو جاى ويريح نفسه ومايكملش قراية الموضوع ده.
انما الى مايعرفش حد يجيبله سالية او لو حد عاوز يجرب وبيحب يعمل حاجته بأيده النهاردة هاقدمله طريقة تصنيع السالية من الالف الى الياء ان شاء الله (اهداء خاص للشيخ احمد toshi ) لانه هو الى كبرها فى دماغى
بسم الله نبدأ
1- الادوات
1-1 الخيوط طبعا فيه 3 انواع من الخيوط خيوط السبكة نفسها وخيوط اللم (الجمع) والحبل الخاص برفع السالية
خيوط الشبكة ممكن تكون رفيعة 25 او 40 او 50 ولا يفضل انها تكون اتخن من كدة
خيوط اللم الغالبية اجمعوا على انها تكون نايلون 80 على الاقل وممكن 100
حبل الرفع وده ما شاء الله لازم يكون حبل تخين ودى صورة ليه
1-2 المدور
طبعا عارفينه بس ده مدور مبطرخ شوية صورته اهي :
1-3 القطعة بلاستيك الى بتجمع خيوط اللم
او
او ممكن تتعمل حلقة زى دى
ولقيت دى عبارة عن القلب الى بيبقى ملفوف عليه بكر الاسلاك بتاعت النتورك ودى موجوده فى مصر كتير
1-4 الرصاص
يفضل انه يكون رصاص بلح زى الصورة دى
عدد الرصاص وحجمه انت طبعا الى بتتحكم فيه
بس تقريبا مافيش قطع تانى هانحتاجها
2- طريقة الصنع
طبعا فيه طريقتين
الطريقة الاولانية انك تجيب الشبكة مغزولة جاهزة وتشبكها فى الحلقة البلاستيك وتجهز لها خيوط اللم وحبل الرفع وتضيف عليها التقل
والطريقة التانية انك تغزل الشبكة بنفسك (وعلى فكرة الموضوع مش معقد قوى زى الناس ما فاكرة وهاحطلك الطريقة بالصور وكمان فيديو بس الفيديو مش لشبكة مدورة انما نفس الخطوات تنفع وكمان فيه ميزة انك تعمل الشبكة بنفسك علشان تتحكم فى حجم الفتحات فممكن تعملها واسعة علشان ماتاخدش معاك السمك الصغير او تعملها ضيقة علشان لو هاتستعملها لصيد الطعم الحى.
نبدأ بالطريقة الاولانية بامر الله:
تجيب الشبكة مغزولة (ودى موجودة فى اغلب محلات ادوات الصيد)
وتشبكها فى الحلقة البلاستيك عن طريق الربط من نص الشبكة
ومن اخر الشبكة ( الدائرة الكبيرة) تبدأ فى تدكيك الحبل الى هايركب فيه الرصاص او التقل الى هايشد السالية لتحت وانا كان ليا اقتراح ممكن يفيد لو حد مش عاوز يركب رصاص ممكن من عند بتاع الحدايد والبويات تجيب سلسلة زى دى
وتفكها من بعضها يعنى تخليها حلقات وتدهنها علشان متاصديش هاتقوللى ادهنها ايه هاقوللك ماعرفش اسأل حداد بس بيتهيألى الاسبراى هايخليها ماتصديش وتخليها متدككة فى الحبل ده هايوفر تكاليف شوية وممكن يخليها تعيش اكتر لان الحديد مش بيتاكل من الصدمات زى الرصاص والله اعلم
بعد المرحلة دى نبدأ نقص الخيط ال 80 اطول من طول السالية وهى ملمومة بحوالى 20 - 30 سم
ونربطه فى الطرف الى فيه الرصاص نستعمل حوالى 8 خيوط (وممكن اكتر حسب مانت شايف بس المهم ان الحلقة يبقى فيها مكان يساعهم ويكونوا بيعدوا بسلاسة منها من غير مايتحشرو) متوزعين على شكل نجمة (يعنى الخيوط بتتجمع عند الحلقة البلاستيك وتتوزع على طول محيط الدائرة الى فيها التقل ) وحاول تخلى المسافات متساوية على محيط الدائرة الكبيرة علشان السالية تتلم بشكل سليم ولاوز تبقى الخيوط كلها نفس الطول
بعد ما نخلص المرحلة دى المفروض نعدى الخيوط من الحلقة البلاستيك كدة
ونشبكهم فى المدور كدة
بس فيه ناس بتفضل انها تضع القطعة دى
صورة تانية علشان الى مش لاقط
صورة تانية علشان الى ماجمعش
كدة كله جمع ولقط طيب دى الهدف منها انها تخلى الخيوط بتاعت اللم ماتشبكش ايه ده الاخ الى هناك الى رافع ايده ومش عارف يعديه ازاى تعديه كدهه
خلاص كله فهم 100 100 شاطرين
وبعد كدة نربط الحبل الخاص برفع السالية فى المدور وبكدة تبقى السالية جاهزة للتجربة
.
.
.
خلاص
.
.
لا لسة
.
.
الناس الى عاوزة تغزل بنفسها فاكركو طبعا انا اقدر انساكو
الموضوع بسيط جدا هاحطلكو الصور بالترتيب وهى شارحة نفسها مع ملاحظة ان نوع الخيط مش نايلون انما الطريقة هى هى
اظن كدة واضحة وانا عملت الى عليا
لسة الفيديو انت مستعجل كدة ليه مش فاهم
https://www.youtube.com/watch?v=AF8r-JPIOh8&feature=related
طبعا طريقة رمى السالية مافيش اصعب قصدى اسهل منها هى بس محتاجة تمرين فيه مواضيع كتير فى المنتدى اتكلمت عن طرق الرمى اعمل بحث يا اخى انت عاوز كل حاجة تيجى لحد عندك ... طيب خلاص خلاص انتوا هاتضربونى ولا ايه هاقوللك تعمل ايه ادخل على الانبوبة https://www.youtube.com
واعمل بحث على throw casting net هاتلاقى 7000 طريقة
اهم حاجة كنا هاننسى نقولها طريقة صيانة وحفظ السالية
اهم حاجة لما ترميها فى مية مالحة انك تغسلها فى مية عذبة من الحنفية وبعد كدة تشيلها فى علبة او فى جردل شيك كدة وان شاء الله تعيش معاك لوقت طويل ... مين الاخ الى مش عارف شكل الجردل ده .... اهوه ياسيدى علشان ماتقولش انى حارمك من حاجة
واى خدمات تحت امركو
فيه ناس كتير معجبة بطريقة الصيد بالسالية سواء علشان تجيب بيها طعم حى او حتى بتنفع لصيد الجمبرى والسمك الكبير كمان وللاسف مابتتباعش فى مصر خالص والى موجود فى مصر حاجة اسمها الطراحة وهى نوع من الشبك او الغزل شبيه بالسالية الى حد كبير ولكن طريقته تختلف تماما عن السالية وغالبا بيوعر فى الصخور وفى الحوش الجميل الى مالى الدنيا عندنا.
والسالية مشهورة جدا فى الخليج العربى وخاصة الكويت والامارات وعمان فلو حد يعرف حد بيسافر هناك ممكن يجيبهالو وهو جاى ويريح نفسه ومايكملش قراية الموضوع ده.
انما الى مايعرفش حد يجيبله سالية او لو حد عاوز يجرب وبيحب يعمل حاجته بأيده النهاردة هاقدمله طريقة تصنيع السالية من الالف الى الياء ان شاء الله (اهداء خاص للشيخ احمد toshi ) لانه هو الى كبرها فى دماغى
بسم الله نبدأ
1- الادوات
1-1 الخيوط طبعا فيه 3 انواع من الخيوط خيوط السبكة نفسها وخيوط اللم (الجمع) والحبل الخاص برفع السالية
خيوط الشبكة ممكن تكون رفيعة 25 او 40 او 50 ولا يفضل انها تكون اتخن من كدة
خيوط اللم الغالبية اجمعوا على انها تكون نايلون 80 على الاقل وممكن 100
حبل الرفع وده ما شاء الله لازم يكون حبل تخين ودى صورة ليه
1-2 المدور
طبعا عارفينه بس ده مدور مبطرخ شوية صورته اهي :
1-3 القطعة بلاستيك الى بتجمع خيوط اللم
او
او ممكن تتعمل حلقة زى دى
ولقيت دى عبارة عن القلب الى بيبقى ملفوف عليه بكر الاسلاك بتاعت النتورك ودى موجوده فى مصر كتير
1-4 الرصاص
يفضل انه يكون رصاص بلح زى الصورة دى
عدد الرصاص وحجمه انت طبعا الى بتتحكم فيه
بس تقريبا مافيش قطع تانى هانحتاجها
2- طريقة الصنع
طبعا فيه طريقتين
الطريقة الاولانية انك تجيب الشبكة مغزولة جاهزة وتشبكها فى الحلقة البلاستيك وتجهز لها خيوط اللم وحبل الرفع وتضيف عليها التقل
والطريقة التانية انك تغزل الشبكة بنفسك (وعلى فكرة الموضوع مش معقد قوى زى الناس ما فاكرة وهاحطلك الطريقة بالصور وكمان فيديو بس الفيديو مش لشبكة مدورة انما نفس الخطوات تنفع وكمان فيه ميزة انك تعمل الشبكة بنفسك علشان تتحكم فى حجم الفتحات فممكن تعملها واسعة علشان ماتاخدش معاك السمك الصغير او تعملها ضيقة علشان لو هاتستعملها لصيد الطعم الحى.
نبدأ بالطريقة الاولانية بامر الله:
تجيب الشبكة مغزولة (ودى موجودة فى اغلب محلات ادوات الصيد)
وتشبكها فى الحلقة البلاستيك عن طريق الربط من نص الشبكة
ومن اخر الشبكة ( الدائرة الكبيرة) تبدأ فى تدكيك الحبل الى هايركب فيه الرصاص او التقل الى هايشد السالية لتحت وانا كان ليا اقتراح ممكن يفيد لو حد مش عاوز يركب رصاص ممكن من عند بتاع الحدايد والبويات تجيب سلسلة زى دى
وتفكها من بعضها يعنى تخليها حلقات وتدهنها علشان متاصديش هاتقوللى ادهنها ايه هاقوللك ماعرفش اسأل حداد بس بيتهيألى الاسبراى هايخليها ماتصديش وتخليها متدككة فى الحبل ده هايوفر تكاليف شوية وممكن يخليها تعيش اكتر لان الحديد مش بيتاكل من الصدمات زى الرصاص والله اعلم
بعد المرحلة دى نبدأ نقص الخيط ال 80 اطول من طول السالية وهى ملمومة بحوالى 20 - 30 سم
ونربطه فى الطرف الى فيه الرصاص نستعمل حوالى 8 خيوط (وممكن اكتر حسب مانت شايف بس المهم ان الحلقة يبقى فيها مكان يساعهم ويكونوا بيعدوا بسلاسة منها من غير مايتحشرو) متوزعين على شكل نجمة (يعنى الخيوط بتتجمع عند الحلقة البلاستيك وتتوزع على طول محيط الدائرة الى فيها التقل ) وحاول تخلى المسافات متساوية على محيط الدائرة الكبيرة علشان السالية تتلم بشكل سليم ولاوز تبقى الخيوط كلها نفس الطول
بعد ما نخلص المرحلة دى المفروض نعدى الخيوط من الحلقة البلاستيك كدة
ونشبكهم فى المدور كدة
بس فيه ناس بتفضل انها تضع القطعة دى
صورة تانية علشان الى مش لاقط
صورة تانية علشان الى ماجمعش
كدة كله جمع ولقط طيب دى الهدف منها انها تخلى الخيوط بتاعت اللم ماتشبكش ايه ده الاخ الى هناك الى رافع ايده ومش عارف يعديه ازاى تعديه كدهه
خلاص كله فهم 100 100 شاطرين
وبعد كدة نربط الحبل الخاص برفع السالية فى المدور وبكدة تبقى السالية جاهزة للتجربة
.
.
.
خلاص
.
.
لا لسة
.
.
الناس الى عاوزة تغزل بنفسها فاكركو طبعا انا اقدر انساكو
الموضوع بسيط جدا هاحطلكو الصور بالترتيب وهى شارحة نفسها مع ملاحظة ان نوع الخيط مش نايلون انما الطريقة هى هى
اظن كدة واضحة وانا عملت الى عليا
لسة الفيديو انت مستعجل كدة ليه مش فاهم
https://www.youtube.com/watch?v=AF8r-JPIOh8&feature=related
طبعا طريقة رمى السالية مافيش اصعب قصدى اسهل منها هى بس محتاجة تمرين فيه مواضيع كتير فى المنتدى اتكلمت عن طرق الرمى اعمل بحث يا اخى انت عاوز كل حاجة تيجى لحد عندك ... طيب خلاص خلاص انتوا هاتضربونى ولا ايه هاقوللك تعمل ايه ادخل على الانبوبة https://www.youtube.com
واعمل بحث على throw casting net هاتلاقى 7000 طريقة
اهم حاجة كنا هاننسى نقولها طريقة صيانة وحفظ السالية
اهم حاجة لما ترميها فى مية مالحة انك تغسلها فى مية عذبة من الحنفية وبعد كدة تشيلها فى علبة او فى جردل شيك كدة وان شاء الله تعيش معاك لوقت طويل ... مين الاخ الى مش عارف شكل الجردل ده .... اهوه ياسيدى علشان ماتقولش انى حارمك من حاجة
واى خدمات تحت امركو
Real1love@msn.com my email add me please and send me the picturs
