الثلاثاء يوليو 31, 2018 4:24 pm من طرف شركه الجوهري
بسم الله الرحمن الرحيم
طلعنا يوم الخميس الى فات رحلة جميلة لراس سدر مع الكابتن محمد موسى اعضاء الرحلة :
الكابتن محمد موسى
الاستاذ احمد شكرى
العبد لله
تم التجمع والتحرك فجر الخميس على طريق الاوتوستراد ( المعادى ) وتم التحرك بعربية احمد شكرى لان الموبينة بتاعت عربيتى باظت يوميها وقعدت لغاية 2 بالليل باحاول اعرف ايه مشكلة العربية وماعرفتش... المهم اتحركنا على السويس الطريق ماشاء الله فاضى وجميل ومنه لنفق الشهيد ومنه لطريق راس سدر وصلنا على الساعة 9:30 تقريبا قلنا هاننزل على المية على طول لكن الكابتن موسى اخدنا فى جولة اتفرجنا فيها على راس سدر كلها وبصراحة يعرف ناس هناك فى غاية الادب والكرم والزوق قعدنا فى استراحة رئيس المدينة شوية وبعدين اتحركنا على الشقة الى المفروض هانغير هدومنا فيها وبعدين نروح للمية ... وقابلنا هناك الاستاذ محمد فزاع (سيناوى اصيل رقم 1) والاستاذ اشرف (وهو مدرس من بنى سويف وساكل فى راس سدر بقاله 15 سنة سيناوى اصيل رقم 2 ) وش عاوز اقوللكوا قد ايه الكرم والزوق والاخلاق الى هم فيها ربنا يباركله يارب ... وبعد ما قعدنا فى الشقة وخدنا الواجب بتاعنا ادوها اول مفاجاءة احنا مش هانقعد هنا هانطلع على فيلا جميلة قريبة من البحر ومن السوق التجارى وتوكلنا على الله ورحنا ..... ننزل المية (الساعة كانت واحدة تقريبا لان الكرم السيناوى مابيخلصش الواجب هناك بيتعد بالساعة مش بالمشروب ) خدنا العدة واتكلنا على الله ونزلنا جهزنا البدالات ورصينا العدة وقلنا نجرب انا واحمد شكرى لحد ما الفرقة التانية تنزل مشينا شوية صغيرين بتاع 50 متر وقلنا نجرب ... اشتغلت مكرونة ودرينى احجام متوسطة .... نبعد شوية كمان 100 متر .... درينى وحفارة وابونقطة حجم معقول .... المهم فضلنا نبعد والاحجام بتكبر شوية شوية ... لغاية مالقينا مكان كويس والاستاذ اشرف والكابتن محمد حصلونا وقعدنا نصطاد وهجم علينا القراض احجامه كويسة (متوسط كيلو تقريبا وكان فيه صغير بس مش كتير) والليل دخل وياللا نطلع علشان نبقى رايقين لبكرة (طبعا زرجنت انا وشكرى كنا عاوزين نبات هو الدور كان ممنع شوية بس كان هايكمل وكنا مزفرين كويس وكان هايقول تانى بس استجبنا لصوت العقل - محمد موسى واشرف - لاننا كنا مهدودين جدا وجعانين كمان بس الصيد بيخلى التعب مش باين)
توكلنا على الله وخرجنا جرينا البدلات (طبعا دى كانت اصعد خطوة فى الرحلة كلها لان البدلاتت تقيلة حبتين لكن لما المجموعة كلها بتساعد بعضها بتهون) وروحنا وخد عندك غدا فاخر من بيت الاستاذ اشرف سمك جميل جدا ومعمول بطريقه هايلة ابقوا فكرونى احكيلكم معمول ازاى المهم طلع من ضمن السمك الى معمول ده قراض وانا كلته وانا مش عارف وكان تحفة وفى منتهى الجمال وبعد الاكل نوم متواصل حتى الرابعة صباحا ومنها الى المياه حيث الصيد الوفير والجو الجميل وتوجهنا حسب تعليمات القبطان اشرف الى مكان بعيد نسبيا حوالى ساعة تبديل تقريبا ونزلنا تزفير وصيد للساعة 5 تقريبا دخل علينا كل حاجة قراض (بس احجام سوبر) وحفارة على درينى على ابونقطة على كوشر الاستاذ محمد موسى طلع واحد والاستاذ احمد شكرى طلع واحد بس الاتنين مينى عموما مادام الصغير موجود يبقى الكبير موجود
وتوكلنا على الله وخرجنا على الفيلا وغيرنا ونزلنا اتغدينا شعور وبلطى وتوكلنا على الله ورجعنا كنا فى القاهرة على الساعة 2 ليلا والحمد لله
بالنسبة للصور والفيديو الاستاذ محمد موسى تقريبا صور كل حاجة فى الرحلة دقيقة بدقيقة هاتلاقوا فيديو نازل 48 ساعة ان شاء الله
شكرا لاستاذ محمد موسى
شكرا لفريق راس سدر محمد فزاع - الاستاذ اشرف - الاستاذ حسام حسن
طلعنا يوم الخميس الى فات رحلة جميلة لراس سدر مع الكابتن محمد موسى اعضاء الرحلة :
الكابتن محمد موسى
الاستاذ احمد شكرى
العبد لله
تم التجمع والتحرك فجر الخميس على طريق الاوتوستراد ( المعادى ) وتم التحرك بعربية احمد شكرى لان الموبينة بتاعت عربيتى باظت يوميها وقعدت لغاية 2 بالليل باحاول اعرف ايه مشكلة العربية وماعرفتش... المهم اتحركنا على السويس الطريق ماشاء الله فاضى وجميل ومنه لنفق الشهيد ومنه لطريق راس سدر وصلنا على الساعة 9:30 تقريبا قلنا هاننزل على المية على طول لكن الكابتن موسى اخدنا فى جولة اتفرجنا فيها على راس سدر كلها وبصراحة يعرف ناس هناك فى غاية الادب والكرم والزوق قعدنا فى استراحة رئيس المدينة شوية وبعدين اتحركنا على الشقة الى المفروض هانغير هدومنا فيها وبعدين نروح للمية ... وقابلنا هناك الاستاذ محمد فزاع (سيناوى اصيل رقم 1) والاستاذ اشرف (وهو مدرس من بنى سويف وساكل فى راس سدر بقاله 15 سنة سيناوى اصيل رقم 2 ) وش عاوز اقوللكوا قد ايه الكرم والزوق والاخلاق الى هم فيها ربنا يباركله يارب ... وبعد ما قعدنا فى الشقة وخدنا الواجب بتاعنا ادوها اول مفاجاءة احنا مش هانقعد هنا هانطلع على فيلا جميلة قريبة من البحر ومن السوق التجارى وتوكلنا على الله ورحنا ..... ننزل المية (الساعة كانت واحدة تقريبا لان الكرم السيناوى مابيخلصش الواجب هناك بيتعد بالساعة مش بالمشروب ) خدنا العدة واتكلنا على الله ونزلنا جهزنا البدالات ورصينا العدة وقلنا نجرب انا واحمد شكرى لحد ما الفرقة التانية تنزل مشينا شوية صغيرين بتاع 50 متر وقلنا نجرب ... اشتغلت مكرونة ودرينى احجام متوسطة .... نبعد شوية كمان 100 متر .... درينى وحفارة وابونقطة حجم معقول .... المهم فضلنا نبعد والاحجام بتكبر شوية شوية ... لغاية مالقينا مكان كويس والاستاذ اشرف والكابتن محمد حصلونا وقعدنا نصطاد وهجم علينا القراض احجامه كويسة (متوسط كيلو تقريبا وكان فيه صغير بس مش كتير) والليل دخل وياللا نطلع علشان نبقى رايقين لبكرة (طبعا زرجنت انا وشكرى كنا عاوزين نبات هو الدور كان ممنع شوية بس كان هايكمل وكنا مزفرين كويس وكان هايقول تانى بس استجبنا لصوت العقل - محمد موسى واشرف - لاننا كنا مهدودين جدا وجعانين كمان بس الصيد بيخلى التعب مش باين)
توكلنا على الله وخرجنا جرينا البدلات (طبعا دى كانت اصعد خطوة فى الرحلة كلها لان البدلاتت تقيلة حبتين لكن لما المجموعة كلها بتساعد بعضها بتهون) وروحنا وخد عندك غدا فاخر من بيت الاستاذ اشرف سمك جميل جدا ومعمول بطريقه هايلة ابقوا فكرونى احكيلكم معمول ازاى المهم طلع من ضمن السمك الى معمول ده قراض وانا كلته وانا مش عارف وكان تحفة وفى منتهى الجمال وبعد الاكل نوم متواصل حتى الرابعة صباحا ومنها الى المياه حيث الصيد الوفير والجو الجميل وتوجهنا حسب تعليمات القبطان اشرف الى مكان بعيد نسبيا حوالى ساعة تبديل تقريبا ونزلنا تزفير وصيد للساعة 5 تقريبا دخل علينا كل حاجة قراض (بس احجام سوبر) وحفارة على درينى على ابونقطة على كوشر الاستاذ محمد موسى طلع واحد والاستاذ احمد شكرى طلع واحد بس الاتنين مينى عموما مادام الصغير موجود يبقى الكبير موجود
وتوكلنا على الله وخرجنا على الفيلا وغيرنا ونزلنا اتغدينا شعور وبلطى وتوكلنا على الله ورجعنا كنا فى القاهرة على الساعة 2 ليلا والحمد لله
بالنسبة للصور والفيديو الاستاذ محمد موسى تقريبا صور كل حاجة فى الرحلة دقيقة بدقيقة هاتلاقوا فيديو نازل 48 ساعة ان شاء الله
شكرا لاستاذ محمد موسى
شكرا لفريق راس سدر محمد فزاع - الاستاذ اشرف - الاستاذ حسام حسن
