الثلاثاء يوليو 31, 2018 4:24 pm من طرف شركه الجوهري
تانى يوم العيد على مركب الملاح ابتدت الرحلة الى بنجهزلها بقالنا شهر افراد الرحلة :
الاستاذ ياسر الملاح
الاستاذ احمد شكرى
الاستاذ هانى الدالى (الدالى الصغير)
الاستاذ محمد الدالى (الدالى الكبير)
والعبد لله
الحقيقة احمد شكرى كان دينامو الرحلة وهو الى تولى تنسيق كل حاجة من حجز المركب لحد ما وصلنى لبيتى فى الاخر طبعا الراجل يشكر جدا.
الدالى الكبير دوخناه معانا علشان التلج وراح السويس الصبح وقعد يدور لنا على تلج ومالقاش بس اتصرف والحمد لله.
طبعا ياسر الملاح مش محتاج كلام عنه راجل فاضل وزوق زوق زوق الصراحة
المهم نبتدى الحدوتة .
احمد شكرى بدأ المشوار الساعة 2 بالليل وعدى على الاستاذ ياسر الملاح فى العباسية 2:30 وعدى عليا فى المعادى 3 طبعا الكلام ده اول يوم العيد بالليل (فجر تانى يوم يعنى)
وابتدينا نتحرك ملينا قزايز مياة كتير جدا تقريبا وده ماكانش له لازمة لاننا رجعنا بأغلبهم وجبنا باتيه وقرص واكل ناشف وتوكلنا على الله مسكنا الطريق طبعا ماخدناش ساعة الا ربع وكنا على الشط فى السخنة
طبعا البحر واطى شويتين تلاتة فمينفعش نركب من المرسى فلازم نركب من الشط وطبعا اقلع الجزمة وشمر البنطلون لحد رقبتك وشيل شنطك وعدتك وايس بوكسك وانزل اتمشى فى المية لحد المركب يعنى بداية فيها شئ من الحموم والنضافة علشان نطلع الرحلة نضاااااااف وحلوين شغال ... طلعنا المركب وسحبناها شوية للبحر علشان مانوعرش على الشط لان البحر كان نازل على بال ما التصاريح تخلص (وطبعا ده بتعليمات ياسر الملاح) المهم التصاريح خلصت وابتدينا نتحرك الساعة سبعة تقريبا ودخلنا على اول طرحة على ما اتزكر كانت طرحة البلاط والحمد لله دخل علينا القراض تمام اتغدى بشوية سنون 10 على 10 وابتدى يطلع هانى الدالى كان متخصص قراد والاستاذ ياسر كذلك وطلع واحدتين حفار تقريبا ومنعت اتحركنا على طرحة تانية برضه قراض وواحدة خنزيرة وحتتين حفار وهوب ضربت مع الاستاذ ياسر حتة حريد حلوة تقريبا تلت كيلو ومنعت المهم ده كان المنوال لحد الساعة 2 تقريبا (نسيت اقولكوا ان ريس المركب كان وراه مشوار فى الفيوم وماجاش وبعت لتا ابنه يحيى وهو كان شغال كله بحرى وريس وكل حاجة هو شاطر وعارف الطرحات وكل حاجة بس كان احيانا بيمشى فى وش الموج واحيانا يقف بعرض المركب فى وش الموج وده طبعا قلب بطن ناس كتير انا اولهم بس الحمد لله ما زادتش الامور عن كدة
لغاية الساعة 2 كانت ممنعة معايا انا بالذات مش عارف ليه كان كل الى طلعته كام سمكة كدة يتعدوا على الصوابع ودى اول طلعة بحر بالنسبة ليا بس عادى يعنى احنا ياما طلعنا النيل ورجعنا بخفى حنين من غير سمك. المهم باقى افراد الرحلة كانوا فاكرينى بقى هازعل ومش هاطلع بحر تانى ( ويمكن ده الى خلاهم طول النهار بيغيروا الطرحات علشان نقف فى مكان فيه صيد علشان نفسى تتفتح - وطبعا ده شعور جميل يشكروا جميعا عليه - بس طبعا ده ما خلاناش نزفر الادوار كويس وكدة ) المهم ياشباب جيت على 2:30 تقريبا - واغلبهم ريح او تعب شوية من كتر السمك الى صادوه - وراحت شغالة معايا زى الفل كل حدفة بسمكة اشى حفار واشى جمبرور الى انا باسميه جمبريللو سمكة جميلة جدا فكها التحتانى طويل زى ابوسيف كدة بس السمكة فى حجم المكرونة ولاشيته كتير جدا ودى برضه سمكة جميلة وديلها اصفر والاتنين بيعافروا معافرة وهما طالعين متعة وطلعت معايا حتتين حريد معقولين والوانهم تحفة انا ماكنتش شفت الشكل ده قبل كدة وكنت عامل زى الى لقى لقية وعاوز اصورها وحنطها وحاجات كدة وطبعا عرفت غلطى بعد ماقالولى ان هو كدة وانسى بقى البلطى ابو شكل زى بعضه ده .... وابو حميد ضربت معاه سمكة كانت هاتقلبه من المركب ووقعت وراحت شابكة مع الاستاذ ياسر بعدها بدقيقة ووقعت برضه مش عارفين دى كانت ايه لغاية دلوقتى يمكن يجيبوها فى قناة الجزيرة فى نشرة 12 قسم رياضات بحرية
وطلعنا على الساعة خمسة ونص تقريبا والعملية شغالة معايا نار بس هاعمل ايه كان لازم نروح وخصوصا اننا مانمناش من ساعة صلاة العيد لغاية دلوقتى
الحصيلة : طبعا القراض وده مش اى حد بياكله لان ليه طريقة فى سلخه وتنضيفه لانه بيبقى سام فخده الاستاذ ياسر لانه بيعرف يتعامل معاه باقى السمك اتبرعوا بيه ليا علشان ماتفضحش فى البيت فى اول طلعة بحرية ودى حاجة يستاهلوا عليها الشكر والله كتير لان فعلا الناس فى البيت مافتحوش بقهم ولا قالوا نص كلمة من الكلام الى كنت باسمعه ايام النيل السعيد والبلطى الشر والحاجات دى
رجعنا القاهرة على الساعة 7 تقريبا كنت فى البيت واديتها نوم لحد 8 الصبح تانى يوم واحمد شكرى نام لحد الساعة 4 الضهر تانى يوم باقى افراد الفريق ماعرفش عنهم حاجة ممكن يكونوا نايمين لحد دلوقتى لو حد شافهم يبقى يطمنى عليهم والنبى
اتمنى ماكونش نسيت حاجة وياريت لو كنت نسيت حد من الى كانوا معانا يفكرنى او يصححلى طبعا ناس هاتسأل على الصور بالنسبة ليا باسيب iphone بتاعى فى البيت طبعا وباخد معايا موبايل نوكيا رخيص علشان لو باظ مازعلش عليه وطبعا مافيهوش كاميرا وطبعا مافيش صور.
تمت بحمد الله
___________________________________________________________________________________
(ااه بالمناسبة الاخ الى كان معانا فى جزيرة الدهب (بتاع اسوأ طلعة نيلية) وكان عاوز يطلع معانا السخنة بشرط مانبعدش اكتر من 20 متر عن الشط احب اقوللك اننا كنا تقريبا على بعد 15 - 20 كيلو فاحسنلك ابعد عن البحر خالص او اصطاد من على الشط علشان ظروفك النفسية ماتتأثرش وانت مش ناقص اساسا وخصوصا لما البواخر الكبيرة بتعدى بتخليك كانك حاجز 3 تذاكر فى دريم بارك لوحدك فلو مُصِر تطلع ظبط بقى حاجة علشان بطنك ماتتقلبش وشوفلك حاجة تربطك فى المركب زى الحزام بتاع العربية كدة لان الموج بيعلا وبيبهدل الدنيا)
الاستاذ ياسر الملاح
الاستاذ احمد شكرى
الاستاذ هانى الدالى (الدالى الصغير)
الاستاذ محمد الدالى (الدالى الكبير)
والعبد لله
الحقيقة احمد شكرى كان دينامو الرحلة وهو الى تولى تنسيق كل حاجة من حجز المركب لحد ما وصلنى لبيتى فى الاخر طبعا الراجل يشكر جدا.
الدالى الكبير دوخناه معانا علشان التلج وراح السويس الصبح وقعد يدور لنا على تلج ومالقاش بس اتصرف والحمد لله.
طبعا ياسر الملاح مش محتاج كلام عنه راجل فاضل وزوق زوق زوق الصراحة
المهم نبتدى الحدوتة .
احمد شكرى بدأ المشوار الساعة 2 بالليل وعدى على الاستاذ ياسر الملاح فى العباسية 2:30 وعدى عليا فى المعادى 3 طبعا الكلام ده اول يوم العيد بالليل (فجر تانى يوم يعنى)
وابتدينا نتحرك ملينا قزايز مياة كتير جدا تقريبا وده ماكانش له لازمة لاننا رجعنا بأغلبهم وجبنا باتيه وقرص واكل ناشف وتوكلنا على الله مسكنا الطريق طبعا ماخدناش ساعة الا ربع وكنا على الشط فى السخنة
طبعا البحر واطى شويتين تلاتة فمينفعش نركب من المرسى فلازم نركب من الشط وطبعا اقلع الجزمة وشمر البنطلون لحد رقبتك وشيل شنطك وعدتك وايس بوكسك وانزل اتمشى فى المية لحد المركب يعنى بداية فيها شئ من الحموم والنضافة علشان نطلع الرحلة نضاااااااف وحلوين شغال ... طلعنا المركب وسحبناها شوية للبحر علشان مانوعرش على الشط لان البحر كان نازل على بال ما التصاريح تخلص (وطبعا ده بتعليمات ياسر الملاح) المهم التصاريح خلصت وابتدينا نتحرك الساعة سبعة تقريبا ودخلنا على اول طرحة على ما اتزكر كانت طرحة البلاط والحمد لله دخل علينا القراض تمام اتغدى بشوية سنون 10 على 10 وابتدى يطلع هانى الدالى كان متخصص قراد والاستاذ ياسر كذلك وطلع واحدتين حفار تقريبا ومنعت اتحركنا على طرحة تانية برضه قراض وواحدة خنزيرة وحتتين حفار وهوب ضربت مع الاستاذ ياسر حتة حريد حلوة تقريبا تلت كيلو ومنعت المهم ده كان المنوال لحد الساعة 2 تقريبا (نسيت اقولكوا ان ريس المركب كان وراه مشوار فى الفيوم وماجاش وبعت لتا ابنه يحيى وهو كان شغال كله بحرى وريس وكل حاجة هو شاطر وعارف الطرحات وكل حاجة بس كان احيانا بيمشى فى وش الموج واحيانا يقف بعرض المركب فى وش الموج وده طبعا قلب بطن ناس كتير انا اولهم بس الحمد لله ما زادتش الامور عن كدة
لغاية الساعة 2 كانت ممنعة معايا انا بالذات مش عارف ليه كان كل الى طلعته كام سمكة كدة يتعدوا على الصوابع ودى اول طلعة بحر بالنسبة ليا بس عادى يعنى احنا ياما طلعنا النيل ورجعنا بخفى حنين من غير سمك. المهم باقى افراد الرحلة كانوا فاكرينى بقى هازعل ومش هاطلع بحر تانى ( ويمكن ده الى خلاهم طول النهار بيغيروا الطرحات علشان نقف فى مكان فيه صيد علشان نفسى تتفتح - وطبعا ده شعور جميل يشكروا جميعا عليه - بس طبعا ده ما خلاناش نزفر الادوار كويس وكدة ) المهم ياشباب جيت على 2:30 تقريبا - واغلبهم ريح او تعب شوية من كتر السمك الى صادوه - وراحت شغالة معايا زى الفل كل حدفة بسمكة اشى حفار واشى جمبرور الى انا باسميه جمبريللو سمكة جميلة جدا فكها التحتانى طويل زى ابوسيف كدة بس السمكة فى حجم المكرونة ولاشيته كتير جدا ودى برضه سمكة جميلة وديلها اصفر والاتنين بيعافروا معافرة وهما طالعين متعة وطلعت معايا حتتين حريد معقولين والوانهم تحفة انا ماكنتش شفت الشكل ده قبل كدة وكنت عامل زى الى لقى لقية وعاوز اصورها وحنطها وحاجات كدة وطبعا عرفت غلطى بعد ماقالولى ان هو كدة وانسى بقى البلطى ابو شكل زى بعضه ده .... وابو حميد ضربت معاه سمكة كانت هاتقلبه من المركب ووقعت وراحت شابكة مع الاستاذ ياسر بعدها بدقيقة ووقعت برضه مش عارفين دى كانت ايه لغاية دلوقتى يمكن يجيبوها فى قناة الجزيرة فى نشرة 12 قسم رياضات بحرية
وطلعنا على الساعة خمسة ونص تقريبا والعملية شغالة معايا نار بس هاعمل ايه كان لازم نروح وخصوصا اننا مانمناش من ساعة صلاة العيد لغاية دلوقتى
الحصيلة : طبعا القراض وده مش اى حد بياكله لان ليه طريقة فى سلخه وتنضيفه لانه بيبقى سام فخده الاستاذ ياسر لانه بيعرف يتعامل معاه باقى السمك اتبرعوا بيه ليا علشان ماتفضحش فى البيت فى اول طلعة بحرية ودى حاجة يستاهلوا عليها الشكر والله كتير لان فعلا الناس فى البيت مافتحوش بقهم ولا قالوا نص كلمة من الكلام الى كنت باسمعه ايام النيل السعيد والبلطى الشر والحاجات دى
رجعنا القاهرة على الساعة 7 تقريبا كنت فى البيت واديتها نوم لحد 8 الصبح تانى يوم واحمد شكرى نام لحد الساعة 4 الضهر تانى يوم باقى افراد الفريق ماعرفش عنهم حاجة ممكن يكونوا نايمين لحد دلوقتى لو حد شافهم يبقى يطمنى عليهم والنبى
اتمنى ماكونش نسيت حاجة وياريت لو كنت نسيت حد من الى كانوا معانا يفكرنى او يصححلى طبعا ناس هاتسأل على الصور بالنسبة ليا باسيب iphone بتاعى فى البيت طبعا وباخد معايا موبايل نوكيا رخيص علشان لو باظ مازعلش عليه وطبعا مافيهوش كاميرا وطبعا مافيش صور.
تمت بحمد الله
___________________________________________________________________________________
(ااه بالمناسبة الاخ الى كان معانا فى جزيرة الدهب (بتاع اسوأ طلعة نيلية) وكان عاوز يطلع معانا السخنة بشرط مانبعدش اكتر من 20 متر عن الشط احب اقوللك اننا كنا تقريبا على بعد 15 - 20 كيلو فاحسنلك ابعد عن البحر خالص او اصطاد من على الشط علشان ظروفك النفسية ماتتأثرش وانت مش ناقص اساسا وخصوصا لما البواخر الكبيرة بتعدى بتخليك كانك حاجز 3 تذاكر فى دريم بارك لوحدك فلو مُصِر تطلع ظبط بقى حاجة علشان بطنك ماتتقلبش وشوفلك حاجة تربطك فى المركب زى الحزام بتاع العربية كدة لان الموج بيعلا وبيبهدل الدنيا)
